На 27 февруари, во Белград, Република Србија се отвори Саемот за туризам, на кој Општина Охрид, ја претстави својата туристичка понуда. Општина Охрид заедно со хотелско – угостителските субјекти се претстави на штандот од Агенцијата за туризам на Република Македонија.
Градоначалникот Бакрачески, на коктелот организиран за новинарите и туристичките агенции, имаше поздравен говор преку кој ја промовираше туристичката понуда на Охрид, а потоа следуваше промоција на охридски специјалитети зачинети со старо градска музика од Охрид. Вечерва во ресторан „Ковач“ е организирана охридска вечер на која се поканети туристички агенции, медиуми и дипломатски кор. Саемот за туризам завршува утре.
